ملک میں مہنگائی کی مجموعی شرح بڑھ کر29.86 فیصد کی سطح پر پہنچ گئی

ایک ہفتے میں سبزیوں چکن انڈوں سمیت 20 اشیاء کی قیمتوں میں اضافہ ہوا، 8 اشیاء کی قیمتوں میں کمی اور 23 اشیاء کی قیمتیں مستحکم رہیں۔ ادارہ شماریات ملک میں مہنگائی کی مجموعی شرح بڑھ کر29.86 فیصد کی سطح پر پہنچ گئی، ایک ہفتے میں 20 اشیاء کی قیمتوں میں اضافہ ہوا ہے، ایک ہفتے میں 23 اشیاء کی قیمتیں مستحکم رہیں۔ تفصیلات کے مطابق وفاقی ادارہ شماریات نے ہفتہ وار مہنگائی کے اعدادوشمار جاری کردیئے، جس کے تحت ہفتہ وار بنیادوں پر مہنگائی کی شرح میں 0.73 فیصد اضافہ ہوگیا ہے۔ ایک ہفتے میں مہنگائی کی مجموعی شرح 29 اعشاریہ چھیاسی فیصد ریکارڈ کی گئی۔ مہنگائی رپورٹ میں بتایا گیا کہ ایک ہفتے میں بیس اشیاء کی قیمتوں میں اضافہ ہوا جبکہ 8 اشیاء کی قیمتوں میں کمی ریکارڈ کی گئی۔ رپورٹ کے مطابق حالیہ ہفتے میں ٹماٹر کی فی کلو قیمت میں 25 روپے ، آلو4 روپے، لہسن فی کلو 11 روپے سے زائد جبکہ آٹے کے 20 کلو تھیلے کی قیمت میں 54 روپے اضافہ ہوا۔ (جاری ہے اسی طرح فی کلو زندہ مرغی قیمت 6 روپے، انڈے فی درجن 3 روپے، دال مسور1.90 روپے فی کلو مہنگی ہوئی، چینی کی فی کلو قیمت میں 57 پیسے کا اضافہ ہوا۔ دوسری جانب انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالرکی قدر بڑھ گئی۔ فاریکس ایسوسی ایشن آف پاکستان کی رپورٹ کے مطابق انٹر بینک میں جمعہ کو روپے کے مقابلے ڈالرکی قدر287.25 روپے پر برقرار رہی جبکہ اوپن مارکیٹ میں ڈالر 50 پیسے مہنگا کر288 روپے کا ہو گیا ۔ فاریکس رپورٹ کے مطابق یورو کی قدر میں ایک روپے کا اضافہ ہوا جس سے یورو کی قدر307 روپے سے بڑھ کر308 روپے ہو گئی جبکہ برطانوی پونڈ کی قدر355 روپے پر مستحکم رہی۔اسی طرح اسٹیٹ بینک کے جاری بیان کے مطابق اکتوبر 2023ء میں بیرون ملک مقیم پاکستانیوں کی ترسیلات زر نمو کے لحاظ سے ماہانہ بنیاد پر 11.5 فیصد اور سالانہ بنیاد پر 9.6 فیصد اضافہ ہوا۔ مالی سال 24ء کے پہلے چار ماہ کے دوران ترسیلات زر کی مد میں 8.8 ارب ڈالر کی رقم موصول ہوئی۔ اکتوبر 2023ء کے دوران سعودی عرب میں مقیم پاکستانیوں کی طرف سے 616.8 ملین ڈالر، متحدہ عرب امارات سے 473.9 ملین ڈالر، برطانیہ سے 330.2 ملین ڈالر اور امریکا میں مقیم پاکستانیوں کی طرف سے 283.3 ملین ڈالر کی ترسیلات زر موصول ہوئیں۔

Comments

Post a Comment

Popular posts from this blog

فیصل آباد میں بس اور کار کا خوفناک تصادم‘ 5 افراد جاں بحق 10 زخمی

جاں بحق 4 افراد کا تعلق ایک ہی خاندان سے تھا‘ بس کار سے ٹکرانے کے بعد ٹریکٹر ٹرالی سے جا ٹکرائی. ۔ 12 نومبر2023ء ) صوبہ پنجاب کے شہر فیصل آباد کے علاقہ کھرڑیانوالہ میں بس اور کار میں خوفناک تصادم کے نتیجے میں 5 افراد جاں بحق اور 10 زخمی ہوگئے۔ تفصیلات کے مطابق فیصل آباد کے علاقے کھرڑیانوالہ میں ڈرماں والا موڑ پر آج صبح بس اور کار میں خوفناک تصادم ہوا جہاں بس کار سے ٹکرانے کے بعد ٹریکٹر ٹرالی سے جا ٹکرائی، جس کے نتیجے میں 5 افراد جاں بحق اور 10 افراد زخمی ہوگئے۔ بتایا گیا ہے کہ جاں بحق افراد میں بس ڈرائیور اور کار میں سوار 4 افراد شامل ہیں، حادثے کی اطلاع ملتے ہی پولیس اور ریسکیو ادارے جائے حادثہ پر پہنچ گئے جنہوں نے لاشوں اور زخمیوں کو ہسپتال منتقل کیا، جن میں سے کئی زخمیوں کی حالت تشویشناک بتائی گئی۔ گزشتہ ماہ صوبہ پنجاب کے ضلع شیخوپورہ میں موٹر وے کے قریب خانقاہ ڈوگرہ لوکل روڈ پر بس الٹنے کے نتیجے میں مسیحی برادری کے 6 مسافر ہلاک اور 57 سے زائد زخمی ہوئے، ریسکیو حکام کا کہنا تھا کہ یہ خوفناک حادثہ پنجاب کے ضلع شیخوپورہ کے علاقے صفدر آباد می...
Read more

اسد عمر کے پی ٹی آئی اور سیاست چھوڑنے پر حامد میر کا ردعمل

بہت بے آبرو ہو کر ترے کوچے سے ہم نکلے۔سینئر صحافی حامد میر کا ٹویٹ. پاکستان تحریک انصاف کے سینیئر رہنما اسد عمر نے پارٹی کو خیر باد کہنے کا اعلان کر دیا، اسد عمر نے ہمیشہ کے لیے سیاست کو چھوڑنے کا بھی اعلان کر دیا۔سینئر صحافی حامد میر نے اسد عمر کے پی ٹی آئی اور سیاست چھوڑنے پر ردعمل دیا ہے،حامد میر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بہت بے آبرو ہو کر ترے کوچے سے ہم نکلے۔ ۔جب کہ اسد عمر نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ ایک دہائی سے زیادہ عوامی زندگی کے بعد، میں نے سیاست کو مکمل طور پر چھوڑنے کا فیصلہ کیا ہے۔ اسد عمر نے کہا کہ جیسا کہ میں پہلے بھی عوامی سطح پر کہہ چکا ہوں کہ میں ریاستی اداروں کے ساتھ تصادم کی پالیسی سے متفق نہیں ہوں اور ایسی پالیسی ریاستی اداروں کے ساتھ شدید ٹکراؤ کا باعث بنی ہے جو کہ ملک کے مفاد میں نہیں ہے. اسد عمر نے کہا کہ پی ٹی آئی کی بنیادی رکنیت سے استعفیٰ دے رہا ہوں۔ میں ان تمام لوگوں کا شکرگزار ہوں جنہوں نے عوامی زندگی میں میرا ساتھ دیا۔ خاص طور پر میں این اے 54 ...
Read more

15 نومبر سے پیٹرول اور ڈیزل سستا ہونے کا امکان

عالمی منڈی میں قیمتوں میں کمی کے نتیجے میں پاکستانی عوام کو بھی ریلیف ملنے کی توقع ظاہر کردی گئی . 13 نومبر 2023ء ) حکومت کی جانب سے ملک میں پیٹرول اور ڈیزل سستا کیے جانے کا امکان ظاہر کردیا گیا۔ میڈیا رپورٹس کے مطابق عالمی منڈی میں تیل کی قیمتوں میں کمی ہونے کی وجہ سے 15 نومبر سے پاکستان میں بھی پیٹرول اور ہائی سپیڈ ڈیزل کی قیمتوں میں 8 سے 10 روپے فی لیٹر تک کی کمی کی جاسکتی ہے کیوں کہ اس وقت عالمی مارکیٹ میں کروڈ آئل کی قیمت جولائی کے بعد 4 فیصد کم ہو کر کم ترین سطح 78 ڈالر فی بیرل پر آچکی ہے، اسی توقع کی جارہی ہے کہ عالمی منڈی میں قیمتوں میں کمی کے بعد پاکستان کے عوام کو بھی پٹرولیم مصنوعات پر ریلیف ملے گا۔. واضح رہے کہ پاکستان میں حکومت کی طرف سے ہر ماہ کی یکم اور 15 تاریخ کو پیٹرولیم مصنوعات کی قیمتوں میں ردوبدل کیا جاتا ہے اور یکم نومبر کو وفاقی حکومت نے پیٹرولیم مصنوعات کی قیمتیں برقرار رکھنے کا اعلان کیا تھا، اس حوالے سے وزارت خزانہ نے پیٹرول اور ڈیزل کی قیمتیں برقرار رکھنے کا نوٹیفکیشن جاری کیا، جس میں کہا گیا کہ یکم نومبر سے پیٹرول ...
Read more